Во австрискиот регион Корушка во местото Зитендорф, педесет и четиригодишен маж изреволтиран поради вревата што ја кревал петелот од соседството зел воздушна пушка и сакал да го убие.
Меѓутоа тој ја промашил целта и го погодил соседот, кој бил на возраст од 80 години и кој тоа утро излегол да го фрли сметот.
Куршумот го погодил старецот во десната рака и влегол во коленото, додека младиот сосед по извршената „мисија“ се вратил во својата куќа како ништо да не се случило.
Повредениот маж повикал Брза помош и полиција, која испратила специјални единици, меѓу кои и полициски хеликоптер и неколку возила полни со полицајци.
Според наводите на медиумите полицијата го уапсила напаѓачот, повредениот бил пренесен во болница, а петелот останал на старото место.
Е.Г.