Америка е ослабена од конфликтот во Украина и ја изгуби моќта да ја контролира Русија, изјави поранешниот американски државен секретар и поранешен шеф на ЦИА, Мајк Помпео.
Помпео, кој беше државен секретар на САД за време на претседателствувањето на Доналд Трамп, беше во Атина на првиот американско-медитерански инвестициски форум.
„Америка е ослабена со инвазијата на Украина – ја изгубивме нашата моќ и контрола против (рускиот претседател Владимир) Путин и Украинците, што ја прави ситуацијата полоша за Европејците и за сите нас“, рече Помпео.
Според неговата проценка, „светот стана помалку безбедно место откако Џозеф Бајден ја презеде функцијата претседател на САД“.
„Тоа се однесува на Американците и на граѓаните на сите наши сојузници. Тринаесет Американци загинаа во Авганистан, што е еден од најголемите неуспеси во заштитата на нашите граѓани во поновата историја“, рече Помпео.
Тој додаде дека иранските власти сега се многу побогати и помоќни отколку кога тој ја напушти функцијата.
„Нашите пријатели и партнери на Блискиот исток, во Израел и земјите од Персискиот залив се чувствуваат напуштено.