Полската Влада лесно ја преживеа денешната расправа и гласање за недоверба во Парламентот, што го побара опозицијата, обвинувајќи ја власта дека се стреми кон „диктатура“ и „болшевичка централизација“, пренесоа американските медиуми.
Резултатот од гласањето во Долниот дом на Парламентот беше 238 за останување на владата, наспроти 174 за нејзина смена, и четворица воздржани.
Поинаков исход за владата на премиерката Беате Шидло не се ни очекуваше земајќи го предвид мнозинството кое партијата на „Правото и правдата“ го има во 460-члениот Парламент.
Владата на партијата „Право и правда“ е цел на критика од лидерите на Европската Унија кои наведуваат дека таа го поткопува владеењето на правото и демократијата во Полска.