Полска преговара со САД за разместување складишта за американска воена опрема на своја територија, соопшти денеска полското Министерство за одбрана.
Тие наведуваат дека американски официјални лица му рекле на министерот за одбрана Томаш Шимоњак за време на посетата на Вашингтон во мај, дека ќе биде постигнат договорот за поставување складишта.
И Литванија се подготвува да прифати тешко американско оружје. Напоредно со тоа, продолжуваат преговорите со САД за постојано распоредување на наша територија, изјави Јузас Олексас, министер за одбрана на Литванија.
– Сметаме дека дел од него (Ејбрамс и Бредли) ќе бидат во Литванија и во процес сме на подготовка на нашата воена инфраструктура да може да се користи за позиционирање. Речиси сме подготвени, рече Олексас.
– Разговаравме со нашите американски сојузници дека би имало смисла оружјето да се распореди тука за постојано за да се зголеми безбедноста. Ако биде донесено такво решение тоа ќе биде добро за нашата држава, смета министерот.