Полската полиција денеска соопшти дека го уапсила поранешниот министер за внатрешни работи Мариуш Камински и неговиот заменик во претседателската палата во Варшава.
– Ве известуваме дека по одлука на судот се уапсени две лица – соопшти полицијата на социјалната мрежа Икс.
Полскиот премиер Доналд Туск претходно денеска го обвини претседателот Анджеј Дуда дека ја попречува правдата, откако Камински и неговиот заменик Мачеј Васика беа видени во претседателската палата.
Стотици демонстранти се собраа пред претседателската палата на покана на партијата Право и Правда (ПиС), чии членови се Камински и Васик, барајќи веднаш да бидат ослободени.
Неколку недели откако ПиС дојде на власт во 2015 година, Дуда го помилува Мариуш Камински, кој беше осуден за злоупотреба на политичко влијание, и му дозволи да стане министер за внатрешни работи, пренесува Ројтерс.
Во постапката пред Aпелациониот суд беше одлучено случајот повторно да се отвори, а во декември минатата година Камински и неговиот заменик Мациеј Васик беа осудени на две години затвор за злоупотреба на политичките овластувања.