Полска потпиша договор за заем во износ од 4 милијарди долари во рамките на програмата за странско воено финансирање на Соединетите Американски Држави, кои ќе се користат за трансформација на нејзините вооружени сили, соопшти министерот за одбрана на таа земја Владислав Косињак-Камиш.
Косињак-Камиш на платформата Х рече дека договорот е уште еден доказ за голема доверба и силен сојуз меѓу Полска и САД, пренесе Ројтерс.
Косињак-Камиш изјави дека САД досега обезбедиле повеќе од 11 милијарди долари за финансирање на полските програми за оружје, вклучително и системи за воздушна одбрана Патриот и хеликоптери Апачи.