Поради „несреќа“ на трафостаницата, Одеса и регионот околу градот остана без струја, соопшти украинскиот премиер Денис Шмихал.
„Денеска се случи технолошка несреќа во Одеса на една од високонапонските трафостаници кои постојано беа оштетувани од руските напади“, рече Шмихал.
Речиси 500.000 луѓе останаа без струја, објави Максим Марченко, шеф на воената управа на регионот Одеса.
„Штетата е сложена и многу сериозна, затоа е рано да се даваат какви било предвидувања за завршување на поправките“, рече Марченко. Тој додаде дека греењето, канализацијата и водоводот работат нормално.