Припадници на кинеските сили за безбедност употребија солзавец против група Тибеќани кои протестираат поради затворање жител на нивно село.
Како што јави радио Слободна Азија, финансирано од САД, кинеската полиција употребила солзавец против демонстранти во округот Биру во Тибет, при што потешко се повредени 12 луѓе.
Извештајот за инцидентот не е потврден од други извори.
Меѓународната кампања за Тибет претходно соопшти дека властите ќе го засилат присуството на силите за безбедност во округот Биру и околината откако локалните жители одбиле да истакнат кинески знамиња по повод националниот празник 1 октомври.