Советникот на украинскиот претседател Михаил Подољак изјави дека „исклучително значајната“ посета на претседателот Володимир Зеленски на САД ќе ги побие обидите на Русија да покаже дека американско-украинските односи се заладуваат.
Во писмената изјава за Ројтерс, Подољак нагласи дека патувањето на Зеленски, вклучително и разговорите со американскиот претседател Џозеф Бајден, дава можност да се објасни вистинската ситуација во Украина, какво оружје му треба на Киев за да се бори против Русија и зошто му е потребно.