Демонстранти претпладнево блокираа патишта во Каталонија во знак на протест поради апсењето на поранешниот регионален лидер Карлес Пуџдемон во Германија и приведувањето на други сепаратистички лидери во Шпанија.
Регионалната транспортна служба соопшти дека се блокирани автопатот А7 во близина на француската граница и националниот магистрален пат Н340, кој ја поврзува Каталонија со југоисточна Шпанија. Освен тоа, сепаратистите го прекинале и движењето на двата главни приоди кон Барселона, од север и од југ, но оваа блокада по извесно време била отстранета.
Протестите ги организираат Комитетите за заштита на Републиката“. самоорганизирани групи граѓани кои дејствуваат низ цела Каталонија и вчера објавија дека започнуваат со протести.
Тие издадоа соопоштение во кое истакнуваат дека по последните апсења и притворот на Пуџдемон „станало јасно дека е помината точката од која нема враќање“.