Италија се приклучува кон консензусот на Европската Унија во поддршка на замрзнувањето на руските средства, потврди италијанскиот министер за надворешни работи Антонио Тајани, најавувајќи дека Рим ќе гласа за мерката. Изјавата доаѓа во време кога ЕУ се обидува да го консолидира својот одговор на руската агресија во Украина, при што замрзнувањето на средствата е еден од клучните елементи на пакетот санкции.
– Италија е за стабилизирање на ситуацијата, па затоа сме за за замрзнување на руските средства, рече Тајани, објави Анса.
„Постои можност за користење на други инструменти за финансирање на Украина, со гаранции што нема да го оптоварат јавниот долг“, нагласи Тајани.
Според него, клучното прашање е правно, а конечната одлука за користење на овие средства ќе ја донесе Европскиот совет. Како заклучок, тој нагласи дека Италија останува посветена на помагање на Украина.
Европската Унија ја потврди својата одлука за замрзнување на средствата на руската централна банка во Европа на неодредено време, отстранувајќи ја големата пречка за користење на готовината за да ѝ помогне на Украина да се одбрани од Русија.
Советот на Европската Унија одлучи привремено да забрани каков било трансфер на средства на руската централна банка замрзнати во ЕУ во Русија, се вели во соопштението објавено а веб-страницата на Советот на ЕУ. Одлуката, се додава, е донесена итно со цел да се ограничи штетата врз економијата на ЕУ.