Трупови на најмалку 40 застрелани млади луѓе утринава се пронајдени по улиците на главниот град на Бурунди – Бужумбура, пренесоа француските медиуми.
Локални жители изјавувија дека безбедносните сили вчера ги апселе сите млади лица кои ќе ги сретнеле по улиците и веднаш ги убивале. Тоа се случувало само неколку часа откако утрината бунтовниците нападнале три воени бази во регионот на престолнината.
-Повеќето убиени лица се домашни помошници или млади семејни луѓе, тоа е масакр, нема друг посоодветен збор, изјави жител на Бужумбура.
Засега властите во Бурунди не излегуваат со коментар за масакрот. Портпаролот на армијата изјави дека „отчет“ за вчерашните дејствија на војската ќе биде даден подоцна во текот на денот.
Армијата вчера информира дека при нападите врз трите воени бази најмалку 12 напаѓачи биле убиени и уште 20 биле приведени.