Повеќе од 50 повредени деца се примени во болници во Ница по синоќешниот масакр извршен од вооружен напаѓач во камион за време на огномет за националниот празник на Франција, 14 јули.
Локалниот весник од Ница, Нис матен објави дека 54 деца се хоспитализирани во болницата Ленвал додека други деца се примени во неколку други болници на подрачјето на Ница.
Најмалку 84 луѓе загинаа, а според весникот меѓу нив се околу десет деца додека повеќе до 100 се повредени.
Според очевидци, возачот на камионот прво почнал да пука од огнено оружје, а потоа влетал со камионот во толпа луѓе. Возачот е убиен, а идентификуван како 31-годишен жител на Ница со туниско потекло.