Една од двете високонапонски линии што ја снабдуваа нуклеарната централа Запорожје беше исклучена по рускиот напад на Украина во ноќта меѓу четвртокот и петокот.
– Во петокот наутро беше исклучена линијата Днипровскаја од 750 киловолти. Нуклеарната централа Запорожје се снабдува со електрична енергија преку резервната линија од 330 киловолти на Ферославнаја – соопшти управата и нагласи дека нема закана за безбедноста и дека нивото на радијација во нуклеарната централа и околината е непроменето.
Во моментов, сите блокови на нуклеарната централа Запорожје се затворени.
Министерството за енергетика на Украина наведува дека евидентирана е голема штета на производствените капацитети, односно системите за пренос и дистрибуција во многу области.
Министерот за енергетика Герман Галушченко наведува дека многу региони во моментов се без струја и интернет.
– Енергетските работници веќе работат на враќање на електричната енергија – рече министерот Галушченко и додаде дека денешните напади врз критичната инфраструктура се најголемите напади врз енергетскиот сектор на Украина во последно време.
При нападот била погодена и хидроцентралата во Дњепропетровск.
Украинските канали на Телеграм објавуваат снимки на кои се гледа дека хидроцентралата се уште гори.