Два дена по нападот врз Иран, првиот патнички авион полета од Абу Даби.
Како што може да се види на веб-страницата „Flight Radar“, авионот се упати кон Лондон.
Според достапните податоци, авионот полета од ОАЕ со 29 минути задоцнување, во 14:39 часот по локално време, и треба да слета во главниот град на Велика Британија во 18:10 часот.
Израел и Америка го нападнаа Иран во сабота наутро. Конфликтот ескалираше, а меѓу погодените земји беа Обединетите Арапски Емирати, Катар и Бахреин.
Исто така, експлозии се слушнаа дури и на Кипар откако дрон од типот Шахед ја погоди британската воена база во Акротири.
Аеродромите во Дубаи, Абу Даби и Доха ги прекинаа операциите.
Повеќе од 1.000 летови до дестинации на Блискиот Исток беа откажани денес поради војната меѓу САД и Израел против Иран и одмаздничките акции.