Пјонгјанг секоја година ќе извршува нуклеарни проби и ракетни тестирања, како одговор на редовните заеднички воени вежби на САД и Јужна Кореја, изјави заменик амбасадорот на Северна Кореја во Обединетите нации, Ји Донг-ил.
– Нуклеарните проби и тестирањата на ракети ќе се одржуваат секоја година, бидејќи со таков интензитет се одржуваат и воените вежби на САД и Јужна Кореја, кои тие вежби ги нарекуваат планови. Така и нашите проби ќе бидат планови, посочи севернокорејскиот амбасадор на седница на Советот за безбедност на ОН.
На прашањето дали Пјонгјанг подготува уште една нулкеарна проба, тој одговори: „Сами ќе дознаете“.