Северна Кореја би можела да тестира интерконтинентална балистичка ракета во блиска иднина, пишува севернокорејскиот весник „Родонг синмун“.
Весникот наведува дека „серијата успешни тестирања на стратешкото оружје покажала дека се наближува времето кога Северна Кореја ќе лансира интерконтинентална балистичка ракета“.
– Тестирањето на ракета од овој тип веројатно ќе биде успешно и ќе покаже колку е погрешна непријателската политика на САД кон Северна Кореја, наведува весникот.
„Родонг синмун“ смета дека Вашингтон „нема да си дозволи да се впушти во војна со држави кои поседуваат нуклеарно оружје и интерконтинентални балистички ракети“.