Триесет и пет годишен пијан Канаѓанец сакаше да остави „бакшиш“ од 99 илјади евра за обичен сендвич, но на крајот заврши во затвор.
Пијаниот клиент во бар во градот Бари, стотина километри северно од Торонто, порачал сендвич за седум долари. Кога келнерката му го донела тој изјавил дека ќе плати со картичка и најавил дека ќе остави напојница од 98.932 долари.
Канаѓанецот ја извадил картичката и се обидел да ја плати сметката со неа, но трансакцијата била отфрлена, поради големата сума што ја внел.
Сопственикот на барот се јавил во полицијата поради проблеми со клиентот, кој не можел да ја плати сметката.
Полицијата го привела пијаниот и дарежлив клиент и го испратила на токсиколошкото одделение во околната болница. Истрагата покажала дека на Канаѓанецот му била издадена судска забрана за конзумирање алкохол, која тој ја прекршил.