Иранскиот претседател Масуд Пезешкијан денес изјави дека ниедна сила во светот не може да го присили иранскиот народ на покорност.
– Иран не сака војна и нестабилност, но отсекогаш ја нагласувал важноста на дијалогот и конструктивната интеракција со сите земји во светот. Сепак, секој обид да се наметне каква било волја врз земјата или да се принуди да се предаде е осуден на неуспех и иранската нација никогаш нема да попушти на таков пристап, нагласи иранскиот претседател за време на посетата на разни оддели на Службата за вонредни ситуации во Техеран, објави Press TV.
Тој посочи на она што го нарече „сегашни двојни стандарди во меѓународната политика“, нагласувајќи дека секоја воена офанзива против суверени земји е целосно кршење на сите прифатени меѓународни принципи.
„Што ја оправдува воената агресија против нашата земја? Какво оправдување постои во рамките на меѓународното право и хуманитарните принципи за таргетирање цивили, елити, деца и уништување витални центри како што се училишта и болници?“, праша Пезешкијан.
Тој го пофали „неспоредливото и примерно единство“ на Иранците за време на 40-дневната војна што „ги попречи целите на непријателот“.