Петнаесетгодишно девојче почина од труење со алкохол на нејзината роденденска забава во село во Трансбајкалската област, во југоисточниот дел на Сибир, соопштија регионалните власти.
Истрагата утврдила дека девојката на роденденската забава со другарките испила силен алкохол, поради што и се слошило и починала следниот ден, пренесува РИА Новости.
„Според првичните информации, смртта е последица од труење со алкохол“, се вели во соопштението.
Инспекторите наредиле лекарски преглед за да се утврдат причините за смртта.