Во верските судири во Мјамнар, најмалку пет лица загинаа, а 80 се повредени. Тоа предизвика нов егзодус на муслиманите во логорите кои ги чуваат војската и полицијата.
„Најмалку петмина се убиени, а околу 80 се повредени во последните четири дена откако избија нередите на четири места“, изјави претставник на државата Ракин Мјо Тант.
Неколку куќи се утринава запалени, а војската сега и помага на полицијата да се спречат понатамошни немири, рече тој за АФП.
Напнатоста е голема, а на неколку места во државата, на границата со Бангладеш е воведен полициски час, а десетина илјади муслимани побарале спас во камповите организирани од власта.
Се проценува дека повеќе од илјада раселени дошле во Ситва, во изминатите денови и дека уште многу се на пат.
Во Мјанмар во последно време имаше неколку протести на будистите против малцинството Рохингја, кои немаат своја држава и живеат на границата на Мјанмар и Бангладеш.
Се проценува дека во Мјанмар живеат околу 800 илјади, додека во Бангладеш ги има околу 300 илјади и иако тоа е муслиманска земја, тие не се добродојдени ни таму.