Шумски пожари однесоа три животи во Португалија и два во Шпанија.
Во Шпанија, пожар ја зафати северозападната област Галиција, при што двајца патници загинале кога нивниот автомобил го зафатил огнот додека патувале во близина на градот Нигран.
Пожари му се закануваат и на градот Виго, каде приградска студентска населба морала да биде евакуирана.
Вкупно 150 пожари беснеат низ Шпанија денеска.
Во Португалија, пак, се регистрирани 440 шумски пожари, во средните и северните делови на земјата.
Трите смртни случаи се пријавени во областите Пенакова и Серта, при што имало и 25 повредени лица.
Дваесетина села морале да бидат евакурани. Поради пожарите, прекинат е сообраќајот меѓу најголемите португалски градови Лисабон и Порто.