Италијанската влада прогласи петдневна жалост по смртта на папата Франциск, одлуката е донесена на утринскиот состанок на министрите.
Периодот на жалост ќе трае до сабота, денот на погребот, објави „Гардијан“.
Ковчегот на папата Франциск ќе биде изложен од среда во 7:00 часот во базиликата Свети Петар во Рим, пренесе „Бета“.
Посмртните останки на папата моментно се наоѓаат во капелата на резиденцијата на Ватикан, каде што живееше од неговиот избор за поглавар на Римокатоличката црква во 2013 година.
Погребната церемонија на папата Франциск ќе започне во сабота во 10 часот, по локално време, на плоштадот Свети Петар, соопшти Ватикан.
Ковчегот потоа ќе биде пренесен во базиликата Света Марија Велика во центарот на Рим, каде ќе биде погребан, се наведува во соопштението.