Папата Лав XIV доби како подарок персонализиран дрес на шпанскиот фудбалски клуб Реал Мадрид со неговото име и бројот еден, кој му беше врачен на стадионот „Сантијаго Бернабеу“ од претседателот на клубот, Флорентино Перез.
Перез му подари на папата дрес со неговото име Роберт Ф. Превост и минијатурна реплика на стадионот, додека папата му подари на претседателот на мадридскиот клуб комеморативен медал.
Средбата се одржа како дел од собирот организиран од Мадридската надбискупија и епархиите Алкала де Хенарес и Хетафе, а според организаторите, на неа присуствуваа околу 70.000 верници.
За време на летот за Шпанија, поглаварот на Римокатоличката црква им призна на новинарите во авионот дека омилен клуб на Роберто Превост е Реал Мадрид, истакнувајќи дека како папа „ги поддржува сите тимови“.
Тој исто така изјави дека на претстојното Светско првенство ќе ги поддржи Соединетите Американски Држави.