Пет лица загинаа во невремето што ја погоди источна Романија. Спасувачките служби се бореа да спасат 95 луѓе во тешко погодените источни области Галати и Васлуи, соопшти Одделот за вонредни ситуации без да даде детали за начинот на смртта, пренесува АП.
Хеликоптер Black Hawk беше распореден во Галати за да помогне во мисии за транспорт и спасување.
Невремето погоди 19 места во осум окрузи во Романија, а силниот ветер собори десетици дрвја кои оштетија автомобили и ги блокираа патиштата.
Романскиот премиер Марсел Чолаку ги откажа планираните активности со цел да отпатува во областа Галати и да ги процени штетите од невремето.
Властите во неколку централноевропски земји најавија дека викендов тешки поплави ќе ги погодат Чешка, Полска, Австрија, Германија, Словачка и Унгарија.