Песков: Зеленски не беше поканет во Москва да капитулира

Од:

Портпаролот на Кремљ, Дмитриј Песков, денес изјави дека рускиот претседател Владимир Путин го поканил украинскиот претседател Володимир Зеленски во Москва на разговори, а не за да прифати капитулација.

„Зеленски беше поканет во Москва да разговара, а не да капитулира“, изјави Песков пред новинарите на маргините на Источниот економски форум, објави РИА Новости.

Тој нагласи дека Зеленски ја отфрлил поканата на рускиот претседател да дојде во Русија.

„Ова беше предлог на Путин. И видовме дека Зеленски го отфрли преку својот министер за надворешни работи“, рече портпаролот на Кремљ.

„Тие зборуваат за гаранции за безбедноста на Украина преку распоредување на европски сили… Потоа ќе се вратиме – на причините за конфликтот. Главната причина за конфликтот беше обидот на НАТО да навлезе во Украина, што ја стави нашата земја во опасност. Значи, ние го препознаваме ова како закана за себе – присуството на меѓународни сили, или какви било странски сили, или сили на земјите од НАТО на украинска почва, на нашата граница“, рече Песков.

Би можело да ве интересира

Зеленски тврди: Путин ги отфрла сите обиди за преговори

Ако падне Украина, источната граница на Европа ќе бида Полска, дури и Германија – драматично предупредување од Зеленски

Се пожали на руската ароганција: Зеленски најавува „асиметричен одговор“ кон Русија

Зеленски: Путин е во Кина додека силите се собираат на фронтовската линија

Песков: Земјите од ЕУ не разбираат што се случува во светот

Ушаков: Немаше договор за средба Зеленски – Путин