Портпаролот на Кремљ, Дмитриј Песков, денес изјави дека засега нема разговори за средба меѓу рускиот претседател Владимир Путин и американскиот претседател Доналд Трамп до крајот на годинава.
„Средбата мора да биде подготвена и мора да биде продуктивна. За да биде продуктивна, мора да се работи на експертско ниво, што во моментов се прави. Ова е посредничка дипломатија“, изјави Песков за руските медиуми.
Тој истакна дека Русија сè уште не знае како завршиле преговорите меѓу САД и Украина во Флорида, објави Спутник.