Песков: Западот не принуди на војна – имаме еден услов за преговори

Од:

Портпаролот на рускиот претседател, Дмитриј Песков, изјави дека не може да се размислува за решавање на украинскиот конфликт без да се разговара за безбедноста на Русија. Тој зборуваше за ова, како услов за преговори за ставање крај на војната во Украина, во вечерашното интервју за рускиот Канал 1.

„Прашањето за безбедноста на Русија е една од главните грижи на нашата земја. Ова е прашањето што веројатно доведе до појава на овие несогласувања. Европејците и Американците одбија да го решат преку преговори, што ја принуди Русија да започне специјална воена операција“, рече Песков.

„Затоа, се разбира, невозможно е да се зборува за решавање на украинската криза без да се разговара на оваа тема“, истакна портпаролот на Кремљ.

Песков, исто така, објави дека за време на неодамнешниот телефонски разговор меѓу рускиот претседател Владимир Путин и поранешниот американски претседател Доналд Трамп, и двајцата изразиле уверување дека проблемите можат и мора да се решат преку дијалог.

„Украинскиот конфликт може и мора да се реши со мирни преговори. Тоа е веројатно најважното“, заклучи Песков.

Би можело да ве интересира

Путин нареди 30-дневен прекин на нападите врз украинската енергетска инфраструктура

Макрон: Сега останува на Русија да докаже дека навистина сака мир

Горан Наумовски

Песков: Приказните за можно испраќање војници од земјите на НАТО во Украина се опасен тренд

Украина: Имаме три многу солидни црвени линии

Медиуми: САД се повлекуваат од Меѓународниот центар за злосторства против Украина

Песков: Постојат причини за внимателен оптимизам