Портпаролот на Кремљ, Дмитриј Песков, денес изјави дека за време на телефонскиот разговор со американскиот претседател Доналд Трамп, рускиот лидер Владимир Путин рекол дека Москва чека датум за разговори со Киев.
„Претседателот го информираше својот американски колега дека сега чекаме да се договорат датумите за третата рунда директни разговори“, изјави портпаролот на Кремљ.
Вториот круг разговори меѓу Русија и Украина се одржа на 2 јуни, а двете страни разменија нацрти на меморандум за мирно решавање, а исто така се согласија и за размена на тешко ранети воени заробеници и телата на загинатите.