Русија дефинитивно ќе одговори на ракетниот напад АТАКМС на аеродромот во Таганрог, изјави денеска Дмитриј Песков, портпарол на рускиот претседател Владимир Путин.
– Сакам да ве потсетам на апсолутно недвосмисленото и директно соопштение на Министерството за одбрана на Руската Федерација од вчера, во кое јасно беше наведено дека ќе следи одговор, рече Песков.
Тој нагласи дека „одговорот ќе дојде во време и на начин што и одговара“ на Русија.
– Но, тоа секако ќе следи – рече Песков.
Украинските војници вчера го нападнаа воениот аеродром во Таганрог, во Ростовската област, со шест балистички ракети ATACMS, од кои сите беа соборени или оттргнати од системи за електронско војување, се наведува во соопштението на руското Министерство за одбрана.