Портпаролот на рускиот претседател Дмитриј Песков денес изјави дека не верува оти односите меѓу Русија и САД „се лизгаат наназад“ бидејќи, како што изјави, „нема многу простор за повлекување“.
„Не, нема многу простор за повлекување, па тоа не може да се каже“, рече Песков.
Песков додаде дека најважниот приоритет на Русија се нејзините национални интереси.
– Со сето должно почитување кон САД и нивните добри услуги, најважно ни се нашите национални интереси, им рече Песков на новинарите, одговарајќи на прашањето дали статусот на САД како посредник во украинското решение се променил по санкциите и разговорите за тоа дека се на страната на Украина.
Според него, Русија никогаш не го идеализирала статусот на САД во преговорите за Украина.
– Никогаш не сме го идеализирале статусот на САД, бидејќи американското оружје постојано се испорачува во Украина и се продава на украинските вооружени сили. Затоа, никогаш не сме го идеализирале, рече Песков.