Одлуката на голем број европски земји да ги укинат ограничувањата на ракетниот дострел на Киев на руска територија е потенцијално опасна и е спротивна на обидите за постигнување решение, изјави денес Дмитриј Песков, портпарол на рускиот претседател Владимир Путин.
„Одлуките, доколку навистина се донесат такви одлуки, се апсолутно спротивни на нашите аспирации за постигнување политичко решение и напорите што моментално се вложуваат во рамките на тоа решение. Тоа е, (ова е) прилично опасна одлука“, изјави Песков за весникот „Лајф“, пренесува ТАСС.
Германскиот канцелар Фридрих Мерц претходно изјави дека неговата земја ги укинува сите ограничувања за дометот на украински напади со германско оружје врз руска територија.