Портпаролот на рускиот претседател Дмитриј Песков изјави дека доколку Киев изврши напади длабоко на руска територија, Москва ќе одговори соодветно, но, како што изјави, не постои такво „магично оружје“ што би ја променило ситуацијата на фронтот.
Одговарајќи на прашање на каналот „Русија 1“, Песков се осврна на фактот дека оваа недела претставници на американското раководство зборувале за можна испорака на ракети „Томахавк“ на Украина.
„Во суштина, тие дозволија можност за удар длабоко на руска територија. Ова е прилично опасен симптом и не може да остане незабележан во Москва – ние го забележавме. Доколку се случи ова, тоа ќе биде уште еден бран на тензии, што ќе бара соодветен одговор од руска страна“, нагласи Песков.