Портпаролот на Кремљ, Дмитриј Песков, ја нарече изјавата на Украина за продолжување на нападите врз Русија „фактор на опасност“ и се преземаат неопходни мерки.
„Се разбира, отворено декларираната линија на украинскиот режим за продолжување на ваквите терористички акти е фактор на опасност. И, се разбира, тоа се зема предвид и се преземаат неопходните мерки“, рече Песков, одговарајќи на прашањето дали Кремљ гледа опасност во интензивираните удари на руска територија во последните денови.
Тој исто така истакна дека Советот за безбедност на Русија обично се состанува еднаш неделно. Претходно беше најавено дека на 6 декември рускиот претседател Владимир Путин ќе одржи оперативен состанок со членовите на Советот за безбедност на Русија.
Како што е наведено, Путин предложил да се разговара за прашања за обезбедување внатрешна безбедност.
Пензионираниот адмирал на американската морнарица Џејмс Ставридис, поранешен врховен командант на сојузничките сили на НАТО во Европа, смета дека обидите за напади на руските аеродроми сигнализираат нов и опасен пресврт во конфликтот.