Најмалку 11 лица, меѓу кои и пет деца, загинаа во одрон кој погоди мало село во планинската област на Перу, на северот на земјата.
Лавината од кал и камења затрупа 24 куќи во областа Сан Мартин, соопшти Роналд Гарсија, локално официјално лице.
Според наводите на Институтот за цивилна одбрана на Перу, спасувачките екипи ги извлекле телата на 11 лица, а уште 10 се водат за исчезнати.
Силните дождови на подрачјето на Андите во изминатите седмици поттикнаа неколку одрони.