Пентагон потврди дека Исламска држава располага со средства за ПВО, но и дека САД преземаат мерки за да се намалат ризиците од употреба на тоа оружје.
– Можеме да потврдиме дека Исламска држава располага со ограничен број средства за противвоздушна одбрана, и поголем дел од тоа се користи во копнени операции, изјави Алиса Смит претставник на американското Министерство за одбрана.
Таа додава дека САД преземаат неопходни мерки за намалување на ризиците поврзани со употреба на ПВО од страна на екстремистите.
– Немаме докази дека ИД располага и користи преносни зенитно-ракетни комплекси, а исто така не можеме да анализираме какво оружје е запленето од екстремистите, додаде Смит. Претходно германското разузнавање соопшти дека ИД располага со ракетни комплекси со кои може да собори патнички авиони.