Претседателката на Претставничкиот дом на Конгресот на САД, Ненси Пелоси, денеска изјави дека до „непријателски акт” против Иран не треба да се дојде без согласност на Конгресот.
Таа рече дека САД „се наоѓа во многу опасна и чувствителна ситуација со Иран”.
Ненси Пелоси ја даде изјавата откако претседателот Доналд Трамп потврди дека наредил, а потоа откажал напад во знак на одмазда, бидејќи Иран соборил американско беспилотно летало.
Нејзин портпарол изјави дека таа не била информирана за плановите на Трамп.