Патријархот на Коптската православна црква Тавадрос Втори го откажа состанокот со американскиот потпретседател Мајк Пенс, кој што требаше да се одржи во Каиро овој месец, во знак на протест против одлуката на Вашингтон да го признае Ерусалим за главен град на Израел.
– Одлуката на претседателот на САД, Доналд Трамп беше соопштена во несоодветен момент и ги занемарува чувствата на милиони Арапи, се вели во соопштението на коптската црква.
Оваа одлука доаѓа само еден ден откако големиот имам на џамијата Ал Азхар исто така ја откажа средбата со Мајк Пенс во знак на протест против одлуката на Трамп.
Коптите се речиси 10 отсто од 93 милиони жители на Египет, каде муслиманите се мнозинство.