Патријархот московски и на цела Русија Кирил, апелираше до сите страни во конфликтот во Украина да направат се за да се избегнат цивилни жртви.
„Како патријарх на цела Русија и поглавар на Црквата, чие стадо е во Русија, Украина и други земји, длабоко сочувствувам со сите погодени од катастрофата. Ги повикувам сите страни во конфликтот да направат се што е можно за да се избегне цивилни жртви“,објавено е на веб-страницата на Руската православна црква.
Кирил посочи дека рускиот и украинскиот народ имаат заедничка вековна историја и изрази верба дека оваа поврзаност ќе помогне, како што рече, да се надминат поделбите и противречностите кои доведоа до сегашниот конфликт.
Извор: МИА