Од денеска се воведени проверки на идентитетот на лицата кои патуваат за Шведска, како дел од мерките за намалување на миграцискиот бран.
Патниците трева да покажат пасош или друг валиден личен документ, за да им биде дозволено да се качат во возовите, фериботите и автобусите за Шведска.
Такви проверки меѓу двете држави немало од 50-тите години од минатиот век.
Шведската телевизија јави дека во првите седум часа од стапувањето во сила на мерката на данската станица Каструп биле запрени седум патници, меѓу кои четворица Авганистанци без лични карти. Тие биле вратени во централната станица во Копенхаген.
Шведската министерка за инфраструктута Ана Јохансон изјави дека знае за доцнењето на луѓето кои живеат од едната страна на границата, а работаат на другата страна, но оти мерките се неопходни.