На Филипините денеска се одржуваат парламентарни и локални избори на кои право на глас имаат над 52 милиони граѓани.
Се очекува изборите да ја зацврстат позицијата на политичката алијанса на Бенињо Акино во дводомниот Конгрес.
Последните истражувањата на јавното мислење на Филипни покажуваат дека Акино ќе обезбеди мнозинство во Сенатот, што ќе му овозможи полесно да ја спроведува својата програма, чиј акцент е ставен на борбата против сиромаштијата и корупцијата.
Предизборната кампања беше помрачена од насилства, во кои беа убиени околу 50 лица.