Прв пат во историјата на Париз борбата за градноначалничкото место може да стане исклучително женска „работа“. Најмалку три жени веќе ја најавија својата „борба“ за местото на градоначалник, каде некоја од нив би го заменила актурлниот Бертан Далано, пренесува AFP.
На актуелниот социјалистички градоначалник Бертран Делано функцијата му истекува следната година. Ова е изненадување во Франција, каде најважните работни места традиционално се резервирани за мажите.
Намерата да учествува во натпреварувањето прва го соопшти Натали Кочушко- Моризе, некогашна портпаролка на поранешниот француски претседател Никола Саркози.
Нејзина конкурентка би можела да биде Рашида Дати, некогашна министерка за правда во владата на Саркози.
Меѓу потенцијалните кандидатки е и министерката за домови Сесил Дифло од Партијата на зелените, а тука е и заменичката на градоначалникот Ан Идалго,блиска пријателка на популарниот Делано.