Париз: Разбиена педофилска мрежа од 60 членови, продавале детска порнографија

Од:

Околу шеесет лица, членови на голема мрежа, се се уапсени и осомничени дека преземале и прегледале илјадници детски порнографски фотографии и видеа во Франција.

Претресите на полицијата доведоа до заплена на повеќе 67 компјутери, телефони или таблети, сто надворешни хард дискови, 120 УСБ-а или ЦД-а.

-Меѓу притворените, на возраст од 28 до 75 години, најмалку четворица, по пребарувањето на нивната компјутерска опрема, се исто така обвинети за силување на малолетници, изјави за медиумите Ерик Беро, шеф на Централното биро за сузбивање на насилството врз малолетни лица, кое ја координираше операцијата.

-Ова покажува дека преземањето фајлови со детска порнографија не е тривијално. Имаме луѓе кои потоа можат да преземат нешто, нагласува комесарот. Еден од нив е спортски едукатор во два фудбалски клуба.

Меѓу уапсените се и еден информатичар, пензиониран професор, вработени и невработени луѓе, рече комесарот.

„Нема единствен профил. Сите социјални слоеви се погодени“, подвлекува раководителот на Бирото. Единствениот заеднички именител, „тие се 99 отсто мажи“, со исклучок на двојка која заедно ги консултирале сликите. Околу десет од нив веќе им беа познати на судовите за овој вид на дело и беа внесени во автоматското судско досие на сторители на сексуални престапи.

Уапсените се со потекло од триесетина различни департмани, и нивното апсење бараше мобилизација на 220 полицајци. .

Истражните органи, потпомогнати од американскиот софтвер што го користел ФБИ, успеале да навлезат во овие мрежи на директна размена на фотографии, да ги следат ИП адресите и да детектираат преземања. Повеќе од сто надворешни хард дискови, сто телефони и лаптопи, скоро 150 УСБ-клучеви, ДВД и ЦД-а беа запленети при претресите и доведоа до откривање на стотици илјади детски порнографски фотографии и видеа. Едно од испитаните лица беше опремено дури и со „сервер со ладење на вода со преземени податоци од 176 терабајти“, рече Беро.

Би можело да ве интересира

Саркози: Макрон ја турка земјата во хаос

Во пожар во штала во Франција изгореа 70 тркачки коњи

A1on

Левичарските партии во Франција заедно излегуваат на избори против Макрон и Ле Пен

Макрон го распушти собранието и распиша избори за 30 јуни

A1on

Тежок пораз на Макрон на европските избори, Ле Пен ја запечати победата

A1on

(ВИДЕО) Франција изгуби контрола на делови од Нова Каледонија, истрели и експлозии одекнуваат низ островот