Папата Франциск ги повика државите да ги обединат напорите и во рамки на меѓународната соработка да создадат вакцина и средства против новиот коронавирус.
За време на традиционалната неделна молитва тој истакна дека е важно да се обединат научните можности и вештини, со цел да се најде вакцина и да се обезбеди универзален пристап до основните технологии, кои ќе му овозможат на секој заразен да го добие потребниот медицински третман, без разлика каде се наоѓа во светот.
Поглаварот на Римокатоличката црква ја поддржа иницијативата на Врховниот комитет за човечко братство на 14 мај да одржи заедничка молитва и пост со учество на претставници на сите религии со цел да се надмине пандемијата.
Врховниот комитет за човечко братство е формиран во август 2019 година во Абу Даби за обединување на човештвото да работи за мир во светот и да им гарантира на идните генерации атмосфера на взаемно почитување и здрав соживот.