Рускиот амбасадор изрази „силно незадоволство“ во Ватикан по објавувањето на интервјуто со папата Франциско, кој ја осуди „суровоста“ на руската армија во Украина, пренесува руската агенција РИА Новости.
Вчера беше објавено големо интервју на папата Франциско, поглаварот на Католичката црква во американското језуитско списание America – Jesuit Review.
„Кога зборувам за Украина, зборувам за суровост бидејќи имаме многу информации за суровоста на силите кои дојдоа во таа земја. Генерално, најсуровите меѓу руските сили се оние кои не доаѓаат од Руската традиција, туку Чеченците, Бурјатите и така натаму. Ова е многу јасно“, рече папата.