Папата Фракциско донираше половина милион долари помош за мигрантите во Мексико и за локални организации што им обезбедуваат храна, засолниште и други средства за живот.
Парите ќе бидат за 27 локални проекти промовирани од 16 мексикански епархии и верски заедници.
Илјадници имигранти од Хондурас, Ел Салвадор и Гватемала пристигнаа во Мексико во последниве неколку месеци. Сепак, американските власти не им дозволуваат да влезат во САД.
Помошта од папата е наменета за повеќе од 75.000 луѓе кои пристигнале во Мексико во 2018 година од централно-американските држави.