Папата Франсис денес ги повика Израел и Палестинците да ги обноват преговорите и да донесат храбри одлуки, стои во соопштението на Ватикан, откако поглаварот на Римокатоличката црква одржа состанок со израелскиот претседател Шимон Перес.
-Се надеваме на брза обнова за преговорите помеѓу Израелците и Палестинците. Со храбра одлука и на корист на двете страни, како и поддршка од меѓународната заедница може да се постигне договор-стои во документот.
Договорот би требало да го почитуваат и двата народи и одлучно да допринесат за мир и стабилност во регионот.
Перес денес прв пат се сретна со папата Франсис, кој беше избран во март. На состанокот изразија загриженост за судирот со Сирија, но и надеж дека ќе се реши политичката криза.
Израелскиот претседател го повика папата да отиде и во официјална посета на Израел.
Елена Георгиевска