Папата Франсис рече денеска дека финансиските спекулации и корупцијата се виновни за глад на милиони луѓе и оти финансиската криза не може да се користи како алиби за намалување на помошта за сиромашните.
– Добро е познат фактот дека моментното производство е доволно, но милиони луѓе и понатаму гладуваат. Тоа е навистина скандалозно, рече папата на конференција во Рим на Организацијата на ОН за храна и земјоделие.
Папата Франсис додаде дека мора да се најде начин сите да имаат корист од „плодовите на земјата, а не само да се премости јазот меѓу богатите и оние кои мора да се задоволат со трошки што ќе паднат од маса“.
Тоа е нова во низата критики на папата на сметка на „диктатурата на економијата“ и ширењето на потрошувачкиот менталитет, наведуваат западни медиуми.