Леон Панета е пензиониран од функцијата американски секретар за одбрана, по четириесет години работен стаж во безбедносните структури на САД.
Нему на формална церемонија му се заблагодари американскиот претседател Барак Обама, кој го истакна придонесот на Панета во борбата против Ал Каеда, во време кога тој беше шеф на Централната разузнавачка агенција (ЦИА).
Панета пред две години, како директор на ЦИА.раководеше со операцијата во која е убиен лидерот на терористичката мрежа, Осама бин Ладен.
Во времето кога ја вршеше челната функција во Пентагон, ја укина забраната која ги спречуваше жените да извршуваат борбени должности на линија на фронтот и им овозможи на хомосексуалците кои работаат во војните служби да не мораат да ја кријат својата сексуална ориентација.
За негов наследник на функцијата министер за одбрана, номиниран е Чак Хејгел.