Палестински тинејџер беше убиен денеска во судир со израелски војници на Западниот Брег. Израелски военовоздухопловни сили нанесоа во текот на ноќта удари врз 34 објекти во Појасот Газа, соопшти израелската армија и палестински извори.
Новиот бран насилства доаѓа откако тројцата израелски тинејџери, киднапирани минатиот месец на Западниот Брег, беа пронајдени мртви. Израел за убиството го обвини Хамас, и се закани дека палестинското исламистичко движење ќе плати висока цена.
Хамас негира учество во киднапирањето и убиството на израелските млади.
Шеснаесетгодишен Палестинец беше убиен од израелски војници во градот Џенин. Тој фрлал рачни гранати врз израелски војници, кои извршувале апсења.